15. ChatGPT‑ს მეშვეობით შესვლის პირობები

These Sign in with ChatGPT Terms (“Terms”) govern your use of Sign in with ChatGPT (“SIWC”) in an application you develop or maintain (“your application” or “your app”). SIWC lets users connect their ChatGPT accounts and, where enabled and otherwise eligible, use that connection to power features or perform actions in your app.

These Terms incorporate the Terms of Use⁠ and our Service Terms⁠ (except when Section 3.2 applies). Other capitalized terms have the meanings given in the relevant terms or agreement.

By integrating or using SIWC in your application, you agree to these Terms. If acting for an organization, you represent that you have the authority to accept these Terms on its behalf.

შესვლისა და გააქტიურებისას გამოიყენეთ თქვენი აპის სახელი. არ წარმოაჩინოთ თავი OpenAI-დ, სხვა აპად ან ორგანიზაციად, ან ღია კოდის სხვა პროექტად.

SIWC-ს წვდომისა და განახლების ტოკენები („ავთენტიფიკაციის ტოკენები“) მოიპოვეთ და გამოიყენეთ მხოლოდ OpenAI-ს მიერ მხარდაჭერილი შესვლის პროცესის მეშვეობით და მომხმარებლის ავტორიზაციის შესაბამისად. არ მოსთხოვოთ მომხმარებლებს ChatGPT‑ის პაროლები, სესიის ქუქი-ფაილები ან სხვა ისეთი მონაცემები, რომლებიც SIWC-ის მეშვეობით თქვენი აპის ფუნქციონალის უზრუნველსაყოფად საჭირო არ არის.

უსაფრთხოდ შეინახეთ ანგარიშის ინფორმაცია და ავთენტიფიკაციის ტოკენები. ავთენტიფიკაციის ტოკენების ნებისმიერი მუდმივი შენახვა უნდა მიმდინარეობდეს არა დისტანციურ ან მართულ გარემოში, არამედ ადგილობრივად და მომხმარებლის კონტროლის ქვეშ.

• 2.1 კონფიგურაცია

  • თქვენ თანხმდებით, რომ SIWC დანერგოთ და დააკონფიგურიროთ ამ პირობებისა და ნებისმიერი მოქმედი დოკუმენტაციის შესაბამისად.

• 2.2. მიზნის შეზღუდვა

  • SIWC-ს გამოყენება შეგიძლიათ მხოლოდ თქვენს აპლიკაციაში შესაბამისი ფუნქციონალის უზრუნველსაყოფად. შესაბამის შემთხვევებში შეგიძლიათ გამოიყენოთ SIWC მომხმარებლების ავთენტიფიკაციისთვის, ანგარიშების შესაქმნელად ან დასაკავშირებლად, მომხმარებლებისთვის თქვენს აპში ChatGPT‑ს გეგმების გამოყენების შესაძლებლობის მისაცემად, მომხმარებლებისთვის OpenAI Ads-ის ანგარიშების მართვის შესაძლებლობის მისაცემად ან უსაფრთხოების ან თაღლითობის პრევენციისთვის.

• 2.3 კონფიდენციალურობა და უსაფრთხოება

  • თქვენ პასუხისმგებელი ხართ თქვენი აპის კონფიდენციალურობაზე, უსაფრთხოებასა და მთლიანობაზე, აგრეთვე SIWC-ს გამოყენებაზე, მათ შორის, ნებისმიერი შესაბამისი სამართლებრივი ვალდებულების განსაზღვრაზე. თქვენ თანახმა ხართ, შეინარჩუნოთ სულ მცირე გონივრული და შესაბამისი ორგანიზაციული, ადმინისტრაციული, ფიზიკური და ტექნიკური უსაფრთხოების ზომები თქვენი აპის, მათ შორის SIWC-ს გამოყენების, უსაფრთხოების უზრუნველსაყოფად. თუ აღმოაჩენთ თქვენს აპთან ან SIWC-ს გამოყენებასთან დაკავშირებულ ხარვეზებს ან დარღვევებს, რომლებმაც შესაძლოა გავლენა მოახდინოს თქვენს მომხმარებლებზე, ვალდებული ხართ, დაუყოვნებლივ დაუკავშირდეთ OpenAI-ს და მოგვაწოდოთ ინფორმაცია ხარვეზია ან დარღვევის დეტალების შესახებ.

  • თქვენ ასევე ეთანხმებით, რომ პერსონალურ მონაცემებს დაამუშავებთ მხოლოდ (i) კონფიდენციალურობის შესახებ მოქმედი კანონმდებლობის შესაბამისად, (ii) თქვენი მომხმარებლების მიერ გაცემული ნებართვის საფუძველზე და (iii) კონფიდენციალურობის შესახებ იურიდიულად ადეკვატური შეტყობინების შესაბამისად. ეს უკანასკნელი მომხმარებლებს უნდა წარედგინოთ წარედგინებათ მათი მონაცემების დამუშავებამდე. პერსონალური მონაცემების შეგროვება არ შეგიძლიათ იმაზე მეტი მოცულობით, ვიდრე ეს SIWC-ს ფუნქციონირების უზრუნველყოფისა და თქვენი აპის მუშაობისთვის გონივრულად აუცილებელია. თქვენ ასევე ეთანხმებით, რომ მომხმარებლებს გაუმჟღავნებთ ყველა აუცილებელ ინფორმაციას, მიაწვდით კონტროლის ყველა საჭირო მექანიზმს და მიიღებთ ნებისმიერ აუცილებელ თანხმობას.

• 2.4. გამჭვირვალობა, თანხმობა და კონტროლი

  • თქვენ პასუხისმგებელი ხართ: (ა) გამჭვირვალობის ყველა საჭირო მოთხოვნის შესრულებაზე, ინფორმაციის გამჟღავნებასა და სხვა ინფორმაციის მიწოდებაზე; (ბ) კონტროლის სათანადო მექანიზმების უზრუნველყოფაზე, მათ შორის, დათანხმებისა და თანხმობის გაუქმების მექანიზმებზე; და (გ) SIWC-სთან დაკავშირებული ნებისმიერი საჭირო შეთანხმებისა თუ თანხმობის უზრუნველყოფაზე.

• 2.5. თქვენი პასუხისმგებლობა

  • თქვენ აცხადებთ და იძლევით გარანტიას, რომ თქვენი აპი, მასში SIWC-ს დანერგვა და მისი გამოყენება შეესაბამება წინამდებარე პირობებსა და მოქმედ კანონმდებლობას, და რომ მოიპოვეთ და შეინარჩუნებთ SIWC-ს თქვენს აპში დანერგვისა და ფუნქციონირებისთვის საჭირო ყველა უფლებას, ლიცენზიასა და თანხმობას. თავად ხართ სრულად პასუხისმგებელი თქვენს აპზე, მათ შორის, მის ფუნქციონირებაზე, კანონმდებლობასთან შესაბამისობაზე, მომხმარებელთა მხარდაჭერაზე, განახლებებზე და ნებისმიერ დოკუმენტაციასა თუ გარანტიაზე, რომელსაც დეველოპერი საბოლოო მომხმარებლებს აწვდის.

იმდენად, რამდენადაც SIWC-ს გამოყენებისას სარგებლობთ ამ შესაძლებლობებით, მოქმედებს შემდეგი პირობები:

• 3.1 ChatGPT‑ს გეგმის გამოყენება

  • თუ ChatGPT‑ს გეგმის ფარგლებს აირჩევთ, მოქმედებს შემდეგი დამატებითი მოთხოვნები.

  • არ უნდა ჩართოთ ან წაახალისოთ:

    • მრავალი ანგარიშის შექმნა, გამოყენების ლიმიტების გაყოფა, ანგარიშების როტაცია ან გამოყენების ლიმიტებისთვის სხვაგვარად გვერდის ავლა.

    • ChatGPT გეგმის გამოყენების ან ავთენტიფიკაციის ტოკენების გაერთიანება, გადაცემა, ხელახალი გაყიდვა, ჩუქება ან გაზიარება, გარდა ტოკენების წინამდებარე პირობებით პირდაპირ ნებადართული დამუშავებისა.

    • ერთი მომხმარებლის გამოწერის გამოყენება მეორე მომხმარებლის მოთხოვნების შესასრულებლად.

  • თქვენი აპლიკაცია უნდა აკმაყოფილებდეს შემდეგ მოთხოვნებს:

    • მომხმარებლის კონტროლი. მოთხოვნები უნდა მოდიოდეს მომხმარებლის შესრულების ლოკალური გარემოდან ან შესრულების მხოლოდ იმ დისტანციური გარემოდან, რომელსაც მომხმარებელი აკონტროლებს.

    • მომხმარებლის ავტორიზაცია. მოთხოვნები უნდა იყოს ავთენტიფიცირებული მომხმარებლისთვის და გამომდინარეობდეს მისი აქტივობიდან ან პირდაპირ ავტორიზებული ავტომატიზაციებიდან ან ფონური პროცესებიდან. ფონურ რეჟიმში გამოყენებამდე მიიღეთ თანხმობა. სხვა მომხმარებლის აქტივობამ არ უნდა გამოიწვიოს მოთხოვნები ავტორიზებული მომხმარებლის ანგარიშზე.

    • მხოლოდ დაკავშირებული აპლიკაციისთვის. მომხმარებლის გეგმა გამოიყენეთ მხოლოდ იმ აპლიკაციისთვის, რომელიც მან დააკავშირა. სხვა ხელსაწყოებისთვის ან დაუკავშირებელი მოთხოვნებისთვის ზოგადი დანიშნულების API-ზე წვდომა არ უზრუნველყოთ.

    • გადასახადის გარეშე. მომხმარებლებს თქვენთვის გადახდის ან თქვენი აპლიკაციის ფასიან ვერსიაზე გადასვლის გარეშე უნდა შეეძლოთ SIWC-ს მეშვეობით თავიანთი ChatGPT გეგმის გამოყენება.

  • ვრცელდება გეგმის შესაბამისობისა და გამოყენების ლიმიტები. SIWC მომხმარებელს არ ანიჭებს გამოყენების დამატებით ლიმიტებს ან OpenAI-ს სხვა სერვისებზე წვდომის უფლებას. ეს შეზღუდვები გავლენას არ ახდენს ცალკე ავტორიზებული API-ს გამოყენებაზე.

• 3.2 ChatGPT‑რეკლამები

  • თუChatGPT‑რეკლამების ფარგლებს აირჩევთ, თქვენზე გავრცელდება რეკლამირების პირობები⁠ და თქვენსა და OpenAI-ს შორის ChatGPT‑რეკლამების მარეგულირებელი ნებისმიერი სხვა შესაბამისი წერილობითი შეთანხმება.

  • თქვენმა აპმა SIWC-ს მეშვეობით მიღებული მონაცემები, მათ შორის, სარეკლამო ანგარიშის მონაცემები, ყველა მოქმედი პირობის შესაბამისად უნდა გამოიყენოს.

თქვენ მიერ SIWC-ს ინტეგრაცია და გამოყენება უნდა შეესაბამებოდეს მოქმედ კანონმდებლობას, წინამდებარე პირობებს, შესაბამის ლიცენზიასა⁠⁠(იხსნება ახალ ფანჯარაში) და ჩვენს გამოყენების წესებს⁠. თქვენ არ შეგიძლიათ:

• SIWC-ს გამოყენება ისე, რომ ეს მომხმარებლებს, OpenAI-ს ან რომელიმე მესამე მხარეს უსაფრთხოების ხარვეზს ან საფრთხეს უქმნიდეს.

• მომხმარებლებთან ურთიერთობა ისეთი ფორმით, როგორიცაა ტყუილი, სიყალბე, შეცდომაში შეყვანა ან შევიწროება.

• ნებისმიერი მავნე მავნე პროგრამული უზრუნველყოფის, ვირუსის, თვალთვალის მექანიზმების ან სხვა მავნე კოდის თუ პროგრამის ჩართვა.

• გაუგზავნოთ OpenAI-ს 13 წლამდე ან ციფრული თანხმობისთვის დადგენილი ასაკის ბავშვების ნებისმიერი პერსონალური ინფორმაცია.

• SIWC-ს პროგრამული უზრუნველყოფის შეცვლა, უკუინჟინერია ან სხვაგვარად მასში ცვლილებების შეტანა.

• SIWC-ს ან ნებისმიერი საბაზისო ტექნოლოგიის ქველიცენზიის გაცემა.

• სხვაგვარად SIWC-ს თაღლითური, უკანონო ან ბოროტი მიზნებისთვის გამოყენება.

OpenAI-ს სახელები, ლოგოები და ღილაკები გამოიყენეთ მხოლოდ ნებართვის შესაბამისად. არ შექმნათ შთაბეჭდილება, რომ OpenAI სპონსორობას უწევს ან მხარს უჭერს რაიმეს OpenAI-ს წინასწარი წერილობითი ნებართვის გარეშე.

თუ SIWC-სთან დაკავშირებით გამოხმაურებას ან წინადადებებს მოგვაწვდით, შესაძლოა, ეს გამოხმაურება გამოვიყენოთ ისე, რომ თქვენ წინაშე არანაირი ვალდებულება არ დაგვეკისროს.

შესაძლოა, ვაკონტროლოთ SIWC-ს დანერგვა და გამოყენება, ასევე, შესაძლოა, შევაჩეროთ ან გავაუქმოთ თქვენი აპისთვის SIWC-ზე წვდომა, თუ ის არღვევს წინამდებარე პირობებს ან ქმნის უსაფრთხოების, დაცულობის ან ბოროტად გამოყენების რისკს.