2026ರ ಚುನಾವಣಾ ಮಾಹಿತಿ ಮತ್ತು ರಕ್ಷಣೋಪಾಯಗಳು.

ಅಕ್ಟೋಬರ್ 20, 2026 ರಂದು ನವೀಕರಣ:

U.S. ಮಧ್ಯಂತರ ಚುನಾವಣೆಗಳಿಗೆ ಮುನ್ನ, ಜನರು ವಿಶ್ವಾಸಾರ್ಹ ಮತದಾನದ ಮಾಹಿತಿಯನ್ನು ಪಡೆಯಲು ಸಹಾಯ ಮಾಡುವ ಮತ್ತು ಚುನಾವಣಾ ರಕ್ಷಕರನ್ನು ಬೆಂಬಲಿಸುವ ನಮ್ಮ ಕೆಲಸವನ್ನು ನಾವು ಮುಂದುವರಿಸುತ್ತಿದ್ದೇವೆ. ಆ ಕೆಲಸದ ಕುರಿತ ಕೆಲವು ನವೀಕರಣಗಳು ಇಲ್ಲಿವೆ:

ವಿಶ್ವಾಸಾರ್ಹ ಮಾಹಿತಿಯನ್ನು ಪಡೆಯಲು ಜನರಿಗೆ ಸಹಾಯ ಮಾಡುವುದು

• ನಮ್ಮ Democracy Works⁠(ಹೊಸ ಕಿಟಕಿಯಲ್ಲಿ ತೆರೆಯುತ್ತದೆ) ಏಕೀಕರಣವು ಈಗ U.S. ನಲ್ಲಿ ಎಲ್ಲ ಭಾಷೆಗಳಲ್ಲೂ ಲಭ್ಯವಿದ್ದು, ನೋಂದಣಿ, ಗಡುವುಗಳು, ಮತದಾನದ ಸ್ಥಳಗಳು ಮತ್ತು ಇತರ ಚುನಾವಣಾ ಅವಶ್ಯಕತೆಗಳ ಕುರಿತು ಮಾಹಿತಿಯನ್ನು ನೇರವಾಗಿ ChatGPT ಗೆ ಒದಗಿಸುತ್ತದೆ. Democracy Works ಈ ಮಾಹಿತಿಯನ್ನು ರಾಜ್ಯ ಮತ್ತು ಸ್ಥಳೀಯ ಚುನಾವಣಾ ಅಧಿಕಾರಿಗಳೊಂದಿಗೆ ಸಂಗ್ರಹಿಸಿ, ಚುನಾವಣಾ ಅವಧಿಯುದ್ದಕ್ಕೂ ಆಗುವ ಬದಲಾವಣೆಗಳನ್ನು ಗಮನಿಸುತ್ತದೆ. ಜನರು ವಿವರಗಳನ್ನು ತಾವೇ ಪರಿಶೀಲಿಸಿಕೊಳ್ಳಲು, ಪ್ರತಿಕ್ರಿಯೆಗಳಲ್ಲಿ ಅಧಿಕೃತ ಚುನಾವಣಾ ಮೂಲಗಳ ಲಿಂಕ್‌ಗಳೂ ಇರುತ್ತವೆ.

• ನಮ್ಮ The Associated Press⁠(ಹೊಸ ಕಿಟಕಿಯಲ್ಲಿ ತೆರೆಯುತ್ತದೆ) ಜೊತೆಗಿನ ಏಕೀಕರಣವು, U.S. ಮತ್ತು ಬ್ರೆಜಿಲ್‌ನ ಚುನಾವಣೆಗಳಲ್ಲಿ ಮತಗಟ್ಟೆಗಳು ಮುಚ್ಚಿದ ನಂತರ ನೇರ ಮತ ಎಣಿಕೆಗಳನ್ನು ChatGPT ಗೆ ಒದಗಿಸುತ್ತದೆ. ಮತದಾನದ ನಿಯಮಗಳು ಮತ್ತು ಪ್ರಮಾಣೀಕೃತ ಫಲಿತಾಂಶಗಳ ಕುರಿತು ಚುನಾವಣಾ ಅಧಿಕಾರಿಗಳೇ ಅಂತಿಮ ಪ್ರಾಧಿಕಾರವಾಗಿರುತ್ತಾರೆ.

• ಚುನಾವಣೆಯಲ್ಲಿ ಹಸ್ತಕ್ಷೇಪ ಮಾಡುವ ಅಥವಾ ಮತದಾನದಿಂದ ಜನರನ್ನು ನಿರುತ್ಸಾಹಗೊಳಿಸುವ ಸಾಧ್ಯತೆಯಿರುವ ಚಿತ್ರಗಳಿಗಾಗಿ ನಾವು ಈಗ ಚಿತ್ರ ಶೈಲಿಯ ಬದಲಾವಣೆಯನ್ನು ಅನ್ವಯಿಸುತ್ತೇವೆ. ಈ ಪ್ರಕ್ರಿಯೆಯಲ್ಲಿ ನೈಜ ಛಾಯಾಚಿತ್ರಗಳ ಬದಲಿಗೆ ಶೈಲೀಕೃತ, – ಅಂದರೆ ಕಾರ್ಟೂನ್ ರೂಪದ ಚಿತ್ರಗಳನ್ನು– ರಚಿಸಲಾಗುತ್ತದೆ. ಇದರಿಂದ ಕಲ್ಪಿತ ದೃಶ್ಯಗಳನ್ನು ನೈಜ ಘಟನೆಗಳ ಸಾಕ್ಷ್ಯವೆಂದು ತಪ್ಪಾಗಿ ಭಾವಿಸುವ ಅಪಾಯ ಕಡಿಮೆಯಾಗುತ್ತದೆ. ಈ ವಿಧಾನವು ಚಿತ್ರಣ ಮತ್ತು ಸಾಮಾಜಿಕ ಅಭಿಪ್ರಾಯಗಳ ಅಭಿವ್ಯಕ್ತಿಗೆ ಅವಕಾಶ ಕಲ್ಪಿಸುತ್ತದೆ. ಕಾರ್ಟೂನ್ ರೂಪದ ಚಿತ್ರಗಳನ್ನು ಬಳಸಿದರೂ ಸಹ, ಚುನಾವಣೆಯಲ್ಲಿ ಹಸ್ತಕ್ಷೇಪ ಮಾಡುವುದನ್ನು ಮತ್ತು ಮತದಾನದಿಂದ ಜನರನ್ನು ದೂರವಿಡುವುದನ್ನು ನಿಷೇಧಿಸುವ ನಮ್ಮ ನೀತಿಗಳು ಯಾವಾಗಲೂ ಅನ್ವಯಿಸುತ್ತವೆ.

ಚುನಾವಣಾ ರಕ್ಷಕರಿಗೆ ಬೆಂಬಲ 

• ನಮ್ಮ Daybreak⁠ ಕಾರ್ಯಕ್ರಮದ ಮೂಲಕ, U.S. Election Assistance Commission ನಲ್ಲಿ ನೋಂದಾಯಿಸಿಕೊಂಡಿರುವ ಮತದಾನ ವ್ಯವಸ್ಥೆಗಳ ತಯಾರಕರು ಮತ್ತು ರಾಜ್ಯ ಚುನಾವಣಾ ಅಧಿಕಾರಿಗಳಿಗೆ ಸೈಬರ್ ರಕ್ಷಣೆಯ ಉದ್ದೇಶಕ್ಕಾಗಿ ನಾವು ಮಾಡೆಲ್‌ಗಳಿಗೆ ಉಚಿತವಾಗಿ ವಿಶೇಷ ಪ್ರವೇಶವನ್ನು ಯಾವುದೇ ವೆಚ್ಚವಿಲ್ಲದೆ ನೀಡಿದ್ದೇವೆ; ಇದರಿಂದ ಅವರು ದುರ್ಬಲತೆಗಳನ್ನು ಗುರುತಿಸಿ, ಚುನಾವಣಾ ಮೂಲಸೌಕರ್ಯವನ್ನು ಮತ್ತಷ್ಟು ಬಲಪಡಿಸಲು ಸಾಧ್ಯವಾಗುತ್ತದೆ. ನಾವು ಚುನಾವಣಾ ಸೇವೆಗಳನ್ನು ಒದಗಿಸುವ ಕಂಪನಿಗಳೊಂದಿಗೂ ಕಾರ್ಯನಿರ್ವಹಿಸುತ್ತಿದ್ದೇವೆ. 

ರಾಜಕೀಯ ಜಾಹೀರಾತುಗಳು ಮತ್ತು ಪ್ರಚಾರ

• ನಮ್ಮ ವೇದಿಕೆಯಲ್ಲಿ ರಾಜಕೀಯ ಜಾಹೀರಾತುಗಳನ್ನು ಪ್ರಸಾರ ಮಾಡುವುದನ್ನು ನಾವು ನಿಷೇಧಿಸುವುದನ್ನು ಮುಂದುವರಿಸುತ್ತೇವೆ. 

• ಚಿತ್ರಗಳು ಮತ್ತು ವೀಡಿಯೊಗಳು ಸೇರಿದಂತೆ, ಅಭ್ಯರ್ಥಿ, ರಾಜಕೀಯ ಪಕ್ಷ ಅಥವಾ ಮತಪತ್ರ ಕ್ರಮದ ಪರವಾಗಿ ಅಥವಾ ವಿರುದ್ಧವಾಗಿ ವಾದಿಸುವ ವ್ಯಾಪಕ ಪ್ರಚಾರ ಸಂದೇಶಗಳನ್ನು ರಚಿಸಲು ಅಥವಾ ಹಂಚಲು ನಮ್ಮ ಉತ್ಪನ್ನಗಳನ್ನು ಬಳಸುವುದನ್ನು ನಾವು ನಿಷೇಧಿಸುತ್ತಲೇ ಇರುತ್ತೇವೆ. ಪ್ರಚಾರಗಳು ಹೊಣೆಗಾರಿಕೆಯುತ, ಮಾನವ-ನಿರ್ದೇಶಿತ ಕೆಲಸ⁠(ಹೊಸ ಕಿಟಕಿಯಲ್ಲಿ ತೆರೆಯುತ್ತದೆ)ಗಳಿಗಾಗಿ ನಮ್ಮ ಸಾಧನಗಳನ್ನು ಬಳಸಬಹುದು. ಇದರಲ್ಲಿ ಆಂತರಿಕ ಬ್ರಿಫಿಂಗ್‌ಗಳು, ಯೋಜನೆ, ದೈನಂದಿನ ಬರವಣಿಗೆ, ಅನುವಾದ, ಅನುಸರಣೆ ಮತ್ತು ಆಡಳಿತ ಕಾರ್ಯಗಳು ಸೇರಿವೆ.

ಜನರೇಟಿವ್ AI ವ್ಯಾಪಕವಾಗಿ ಲಭ್ಯವಾದ ಬಳಿಕ 2026 ವಿಶ್ವದ ಎರಡನೇ ಪ್ರಮುಖ ಚುನಾವಣಾ ವರ್ಷ; ಜಗತ್ತಿನ ದೇಶಗಳು ಮತ್ತು ಪ್ರದೇಶಗಳಲ್ಲಿ ಚುನಾವಣೆಗಳನ್ನು ರಕ್ಷಿಸಲು 2024ರಲ್ಲಿ ಹಾಕಿದ ಅಡಿಪಾಯದ ಮೇಲೆ ನಾವು ಮುಂದುವರಿಸುತ್ತಿದ್ದೇವೆ. 

ನಮ್ಮ ಗಮನವು ಕೆಳಗಿನ ರೀತಿಯಲ್ಲಿ ಮುಂಚೂಣಿ ಉತ್ಪನ್ನಗಳನ್ನು ನಿರ್ಮಿಸಿ ಹೊಣೆಗಾರಿಕೆಯಿಂದ ನಿಯೋಜಿಸುವುದಾಗಿದೆ: 

• ಮತದಾನ ಮತ್ತು ಫಲಿತಾಂಶಗಳ ಬಗ್ಗೆ ವಿಶ್ವಾಸಾರ್ಹ ಮಾಹಿತಿಯನ್ನು ತೋರಿಸುವುದು.

• ಸೈಬರ್ ಮೂಲಸೌಕರ್ಯ ರಕ್ಷಕರನ್ನು ಬೆಂಬಲಿಸುವುದು. 

• AI-ರಚಿತ ವಿಷಯದ ಸುತ್ತ ಪಾರದರ್ಶಕತೆಯನ್ನು ಹೆಚ್ಚಿಸುವುದು.

• ದುರುದ್ದೇಶಿಗಳ ದುರುಪಯೋಗವನ್ನು ಎದುರಿಸುವುದು.

• ChatGPT ಪ್ರತಿಕ್ರಿಯೆಗಳು ರಾಜಕೀಯವಾಗಿ ತಟಸ್ಥವಾಗಿರಲು ನಮ್ಮ ಮಾಡೆಲ್‌ಗಳಲ್ಲಿ ಪಕ್ಷಪಾತವನ್ನು ಮೇಲ್ವಿಚಾರಣೆ ಮಾಡುವುದು.

ನೋಂದಣಿ ಹೇಗೆ, ಎಲ್ಲಿಗೆ ಮತ ಹಾಕಬೇಕು, ಯಾವ ಗಡುವುಗಳು ಅನ್ವಯಿಸುತ್ತವೆ, ಬೆಳೆಯುತ್ತಿರುವ ಸುದ್ದಿ ಘಟನೆಯಲ್ಲಿ ಏನಾಗುತ್ತಿದೆ, ಅಥವಾ ಅಧಿಕೃತ ಚುನಾವಣಾ ಫಲಿತಾಂಶಗಳು ಎಲ್ಲಿವೆ ಎಂಬ ನಾಗರಿಕ ಘಟನೆಗಳ ಪ್ರಾಯೋಗಿಕ ಪ್ರಶ್ನೆಗಳನ್ನು ಜನರು ಈಗಾಗಲೇ ತಮ್ಮ ಮೆಚ್ಚಿನ ಭಾಷೆಗಳಲ್ಲಿ ChatGPTಗೆ ಕೇಳುತ್ತಾರೆ.

2024ರ ನಮ್ಮ ಪ್ರಯತ್ನಗಳ ಆಧಾರದಲ್ಲಿ, ಮತದಾನದ ಬಗ್ಗೆ ವಿಶ್ವಾಸಾರ್ಹ ಮಾಹಿತಿ ಮೂಲಗಳತ್ತ ಜನರನ್ನು ಕರೆದೊಯ್ಯಲು ನಾವು ಪಾಲುದಾರರೊಂದಿಗೆ ಕೆಲಸ ಮಾಡುತ್ತಿದ್ದೇವೆ. ಈ ಶರತ್ಕಾಲದಿಂದ ಅಮೆರಿಕ ಮತ್ತು ಬ್ರೆಜಿಲ್‌ನಲ್ಲಿ, ಚುನಾವಣಾ ರಾತ್ರಿ ಫಲಿತಾಂಶಗಳು ಬರುತ್ತಿರುವಂತೆ The Associated Press⁠(ಹೊಸ ಕಿಟಕಿಯಲ್ಲಿ ತೆರೆಯುತ್ತದೆ)ನಿಂದ OpenAI ನೇರ ಮತ ಎಣಿಕೆಗಳನ್ನು ಒದಗಿಸುತ್ತದೆ. ಅಮೆರಿಕದಲ್ಲಿ, ಜನರು ಆ ವಿಷಯಗಳನ್ನು ಕೇಳಿದಾಗ ಮತದಾನ ಸ್ಥಳಗಳು ಮತ್ತು ಇತರ ಚುನಾವಣಾ ವ್ಯವಸ್ಥೆಗಳು ಸೇರಿದಂತೆ ಮತದಾನ ಮತ್ತು ನೋಂದಣಿ ಪ್ರಕ್ರಿಯೆಗಳ ಬಗ್ಗೆ ವಿಶ್ವಾಸಾರ್ಹ ಮಾಹಿತಿ ತೋರಿಸಲು ನಾವು Democracy Works⁠(ಹೊಸ ಕಿಟಕಿಯಲ್ಲಿ ತೆರೆಯುತ್ತದೆ) ಜೊತೆಗೆ ಸಹಭಾಗಿತ್ವ ಮಾಡುತ್ತೇವೆ. ಜಾಗತಿಕವಾಗಿ, ಮೂಲ ಲಿಂಕ್‌ಗಳೊಂದಿಗೆ ಉಪಯುಕ್ತ ಮಾಹಿತಿಯನ್ನು ವೆಬ್ ಹುಡುಕಾಟ ಹೇಗೆ ತೋರಿಸುತ್ತದೆ ಎಂಬುದನ್ನು ನಾವು ಸುಧಾರಿಸುತ್ತಲೇ ಇರುತ್ತೇವೆ. 

2024ರಿಂದ, ಜನರು ChatGPTಗೆ ಚುನಾವಣೆ ವಿಷಯಗಳು ಮತ್ತು ತಾಜಾ ಸುದ್ದಿಗಳ ಬಗ್ಗೆ ಕೇಳಿದಾಗ ಪಡೆಯುವ ಮಾಹಿತಿಯ ಗುಣಮಟ್ಟವನ್ನು ನಾವು ಸುಧಾರಿಸುತ್ತಲೇ ಇದ್ದೇವೆ. ಜನರು ಇನ್ನಷ್ಟು ಆಳವಾಗಿ ತಿಳಿಯಲು ಸಾಧ್ಯವಾಗುವಂತೆ ChatGPT ಮೂಲ ಲಿಂಕ್‌ಗಳೊಂದಿಗೆ ಉತ್ತಮ ಉತ್ತರಗಳನ್ನು ನೀಡಲು ವೆಬ್ ಹುಡುಕಬಹುದು.

ಉದ್ಯಮಗಳಾದ್ಯಂತ ಸೈಬರ್ ರಕ್ಷಕರಿಗೆ ಇದು ಮಹತ್ವದ ಕ್ಷಣ; ಚುನಾವಣೆಗಳನ್ನು ಬೆಂಬಲಿಸುವ ವ್ಯವಸ್ಥೆಗಳು ಸೇರಿದಂತೆ ಡಿಜಿಟಲ್ ಮೂಲಸೌಕರ್ಯವನ್ನು ಗಟ್ಟಿಗೊಳಿಸುವಲ್ಲಿ AI ನಿರ್ಣಾಯಕ ಪಾತ್ರ ವಹಿಸುತ್ತದೆ ಎಂದು ನಾವು ನಂಬುತ್ತೇವೆ. ಚುನಾವಣೆ ನಿರ್ವಹಣೆಯನ್ನು ಬೆಂಬಲಿಸುವ ಮಾರ್ಗಗಳೂ ಸೇರಿದಂತೆ, ಮೂಲಸೌಕರ್ಯ ಸ್ಟ್ಯಾಕ್‌ನಾದ್ಯಂತ ಸ್ಥೈರ್ಯ ನಿರ್ಮಿಸಲು OpenAI ಬದ್ಧವಾಗಿದೆ.  

ಸಾಫ್ಟ್‌ವೇರ್ ನಿರ್ಮಿಸುವ ಮತ್ತು ರಕ್ಷಿಸುವ ವಿಧಾನವನ್ನು ಬದಲಿಸುವ ನಮ್ಮ ಪ್ರಯತ್ನವಾದ Daybreak⁠ ಅನ್ನು ನಾವು ಇತ್ತೀಚೆಗೆ ಘೋಷಿಸಿದ್ದೇವೆ. ಸಾಫ್ಟ್‌ವೇರ್ ಅನ್ನು ಹೆಚ್ಚು ಸುರಕ್ಷಿತ ಮತ್ತು ಪ್ರತಿಕೂಲ ಪರಿಸ್ಥಿತಿಗಳನ್ನು ತಡೆದುಕೊಳ್ಳುವಂತೆ ಮಾಡುವ ಉದ್ದೇಶದ ಹಲವು ಕಾರ್ಯಕ್ರಮಗಳನ್ನು Daybreak ಒಳಗೊಂಡಿದೆ. ಅವುಗಳಲ್ಲಿ, ಡೆವಲಪರ್‌ಗಳ ಕೋಡ್‌ನಲ್ಲಿನ ದುರ್ಬಲತೆಗಳನ್ನು ಸ್ವಯಂಚಾಲಿತವಾಗಿ ಗುರುತಿಸಿ, ಅವುಗಳನ್ನು ಪರಿಶೀಲಿಸಿ, ಸರಿಪಡಿಸಲು ನೆರವಾಗುವ Codex Security ಕೂಡ ಸೇರಿದೆ. ಇನ್ನಷ್ಟು ಉನ್ನತ ರಕ್ಷಣೆಗಾಗಿ, ನಮ್ಮ Trusted Access for Cyber ⁠(TAC) ಕಾರ್ಯಕ್ರಮವು ಸೈಬರ್ ರಕ್ಷಣೆಗಾಗಿ ಪರಿಶೀಲಿತ ವ್ಯಕ್ತಿಗಳಿಗೆ ಅತ್ಯಾಧುನಿಕ ಮಾಡೆಲ್‌ಗಳ ಪ್ರವೇಶವನ್ನು ಒದಗಿಸುತ್ತದೆ. US‌ನ ನೋಂದಾಯಿತ ಮತದಾನ ವ್ಯವಸ್ಥೆ ತಯಾರಕರಿಗೆ⁠(ಹೊಸ ಕಿಟಕಿಯಲ್ಲಿ ತೆರೆಯುತ್ತದೆ) Codex Security ಜೊತೆಗೆ TAC ಪ್ರವೇಶವನ್ನೂ ನಾವು ಒದಗಿಸಿದ್ದೇವೆ. ರಾಜ್ಯ ಚುನಾವಣಾ ಅಧಿಕಾರಿಗಳಿಗೆ ಇತ್ತೀಚಿನ ಸೈಬರ್ ಸಾಮರ್ಥ್ಯಗಳು ಮತ್ತು ರಕ್ಷಕರಿಗಾಗಿ ನಮ್ಮ ಸಾಧನಗಳ ಕುರಿತು ಮಾಹಿತಿ ನೀಡಲಾಗಿದೆಯೆಂದು ಖಚಿತಪಡಿಸಿಕೊಳ್ಳಲು, ನ್ಯಾಷನಲ್‌ ಅಸೋಸಿಯೇಷನ್‌ ಆಫ್‌ ಸೆಕ್ರೆಟರೀಸ್‌ ಆಫ್‌ ಸ್ಟೇಟ್‌(NASS) ಮತ್ತು ನ್ಯಾಷನಲ್‌ ಅಸೋಸಿಯೇಷನ್‌ ಆಫ್‌ ಸ್ಟೇಟ್‌ ಎಲೆಕ್ಷನ್‌ ಡೈರೆಕ್ಟರ್ಸ್‌ (NASED) ಜೊತೆಗೆ ನಾವು ಕಾರ್ಯನಿರ್ವಹಿಸುತ್ತಿದ್ದೇವೆ.  

ಜನರು ಸಾಮಾಜಿಕ ಮಾಧ್ಯಮ, ಸಂದೇಶ ಅಪ್ಲಿಕೇಶನ್‌ಗಳು ಮತ್ತು ವೆಬ್‌ನಲ್ಲಿ ಹಂಚುವ ವಿಷಯವನ್ನು ರಚಿಸಲು AI ಸಾಧನಗಳನ್ನು ಹೆಚ್ಚಾಗಿ ಬಳಸುತ್ತಿದ್ದಾರೆ. ತಪ್ಪು ದಾರಿಗೆಳೆಯುವ “ಡೀಪ್‌ಫೇಕ್‌ಗಳನ್ನು” ಎದುರಿಸಲು, ಜನರು ನೋಡುತ್ತಿರುವ ವಿಷಯ AIಯಿಂದ ರಚಿತವಾಗಿದೆಯೇ ಅಥವಾ ಬದಲಾಯಿಸಲ್ಪಟ್ಟಿದೆಯೇ ಎಂದು ಪರಿಶೀಲಿಸಲು ನೆರವಾಗುವ ಬಹು-ಪದರದ ಮೂಲಪ್ರಮಾಣ ವಿಧಾನದಲ್ಲಿ ನಾವು ಹೂಡಿಕೆ ಮಾಡುತ್ತಿದ್ದೇವೆ. 

ಕಳೆದ ವಾರ, SynthID ತರಲು ಸಹಭಾಗಿತ್ವವನ್ನು ⁠ ನಾವು ಘೋಷಿಸಿದ್ದೇವೆ; ಇದು ChatGPT⁠, Codex ಅಥವಾ OpenAI API ಮೂಲಕ ರಚಿಸಿದ ಚಿತ್ರಗಳಿಗೆ ಡಿಜಿಟಲ್ ವಾಟರ್‌ಮಾರ್ಕ್‌ಗಳನ್ನು ನೀಡುತ್ತದೆ. ಚಿತ್ರದ ಕುರಿತ ಮಾಹಿತಿ ವಿಷಯದ ಜೊತೆಯೇ ಸುರಕ್ಷಿತವಾಗಿ ಸಾಗಲು ಮೆಟಾಡೇಟಾ ಮತ್ತು ಕ್ರಿಪ್ಟೋಗ್ರಾಫಿಕ್ ಸಹಿಗಳನ್ನು ಬಳಸುವ C2PA (Coalition for Content Provenance and Authenticity) ಮಾನದಂಡ ಬಳಕೆಯ ನಮ್ಮ ನಿರಂತರ ಬದ್ಧತೆಯ ಮೇಲೆ ಇದು ನಿರ್ಮಿತವಾಗಿದೆ. ಈ ಎರಡು ವಿಧಾನಗಳು ಪರಸ್ಪರ ಪೂರಕ: SynthID ಸ್ಕ್ರೀನ್‌ಶಾಟ್‌ಗಳು ಮತ್ತು ಇತರ ಪರಿವರ್ತನೆಗಳಲ್ಲೂ ಉಳಿಯಬಲ್ಲ ಅದೃಶ್ಯ ವಾಟರ್‌ಮಾರ್ಕಿಂಗ್ ಪದರವನ್ನು ಸೇರಿಸುತ್ತದೆ; ಮೆಟಾಡೇಟಾ ಮಾತ್ರ ವಾಟರ್‌ಮಾರ್ಕ್‌ಗಿಂತ ಹೆಚ್ಚು ಮಾಹಿತಿ ನೀಡಬಹುದು. 

ವೇದಿಕೆಯ ಹೊರಗೆ ಕಂಡುಬರುವ ಚಿತ್ರ OpenAI ಸಾಧನಗಳಿಂದ ರಚಿತವಾಗಿದೆಯೇ ಎಂದು ಜನರು ಪರಿಶೀಲಿಸಲು ಅವಕಾಶ ನೀಡುವ ಸಾರ್ವಜನಿಕ ಪರಿಶೀಲನಾ ಸಾಧನವನ್ನು⁠ ಸಹ ನಾವು ಪೂರ್ವವೀಕ್ಷಿಸುತ್ತಿದ್ದೇವೆ. OpenAIಯಿಂದ ಬಂದ SynthID ವಾಟರ್‌ಮಾರ್ಕ್ ಇದೆಯೇ ಎಂದು ಸೈಟ್ ಪತ್ತೆಹಚ್ಚಬಹುದು; ಕಂಡುಬಂದಾಗ C2PA ಮೆಟಾಡೇಟಾವನ್ನೂ ತೋರಿಸಬಹುದು.

ಮೂಲಪ್ರಮಾಣ ಸಾಧನಗಳು ಚುನಾವಣೆಗೆ ಸಂಬಂಧಿಸಿದ ಮೋಸಕ್ಕೆ ಸಂಪೂರ್ಣ ಪರಿಹಾರವಲ್ಲ, ಆದರೆ ವಿಶಾಲ ಅಖಂಡತಾ ಚೌಕಟ್ಟಿನ ಪ್ರಮುಖ ಭಾಗವಾಗಿವೆ. ಹೆಚ್ಚಿನ ಜನರು AI ವಿಷಯವನ್ನು ಸಾಮಾಜಿಕ ಮಾಧ್ಯಮ ಮತ್ತು ಸಂದೇಶ ವೇದಿಕೆಗಳಲ್ಲಿ ಕಾಣುವುದರಿಂದ, ಜನರ ಫೀಡ್‌ನಲ್ಲಿ ಯಾವ ನಾಗರಿಕ ವಿಷಯವನ್ನು ಶಿಫಾರಸು ಮಾಡಿ ಹಂಚಬೇಕು ಎಂಬ ನಿರ್ಧಾರದಲ್ಲಿ ಮೂಲಪ್ರಮಾಣ ಗುರುತುಗಳನ್ನು ಸಂಬಂಧಿತ ಸಂಕೇತವಾಗಿ ಬಳಸಿಕೊಂಡು ಚುನಾವಣೆಗಳನ್ನು ರಕ್ಷಿಸುವ ಕ್ರಮಗಳನ್ನು ಸಾಮಾಜಿಕ ಮಾಧ್ಯಮ ಕಂಪನಿಗಳು ಪರಿಗಣಿಸುವಾಗ ಅವರೊಂದಿಗೆ ಪಾಲುದಾರರಾಗಲು ನಾವು ಸಂತೋಷಪಡುತ್ತೇವೆ.  

ಪಾರದರ್ಶಕತೆಯನ್ನು ಮುಂದುವರಿಸುವ ಕಾನೂನುಗಳಿಗೆ ಬೆಂಬಲಿಸಲು ನಾವು ಉತ್ಸುಕರಾಗಿದ್ದೇವೆ:

• Protect Elections from Deceptive AI Act (S. 1213)⁠(ಹೊಸ ಕಿಟಕಿಯಲ್ಲಿ ತೆರೆಯುತ್ತದೆ) ಫೆಡರಲ್ ಚುನಾವಣಾ ಚಟುವಟಿಕೆಗೆ ಬಳಸುವಾಗ ಫೆಡರಲ್ ಅಭ್ಯರ್ಥಿಗಳನ್ನು ಒಳಗೊಂಡ, ವಸ್ತುನಿಷ್ಠವಾಗಿ ಮೋಸಕಾರಿ AI-ರಚಿತ ವಿಷಯವನ್ನು ತಿಳಿದುಕೊಂಡೇ ಹಂಚುವುದಕ್ಕೆ ಹೊಸ ನಿಷೇಧಗಳನ್ನು ಸೇರಿಸುತ್ತದೆ.

• Preparing Election Administrators for AI Act (S. 2346)⁠(ಹೊಸ ಕಿಟಕಿಯಲ್ಲಿ ತೆರೆಯುತ್ತದೆ) ಚುನಾವಣಾ ಆಡಳಿತದಲ್ಲಿ AI ತಂತ್ರಜ್ಞಾನಗಳ ಬಳಕೆ ಮತ್ತು ಅಪಾಯಗಳ ಕುರಿತು ಚುನಾವಣಾ ಕಚೇರಿಗಳಿಗೆ ಸ್ವಯಂಪ್ರೇರಿತ ಮಾರ್ಗಸೂಚಿಗಳಿರುವ ವರದಿಯನ್ನು Election Assistance Commission ಹೊರಡಿಸಲು ಕಡ್ಡಾಯಗೊಳಿಸುತ್ತದೆ. ಮುಂಚೂಣಿ ಮಾಡೆಲ್‌ಗಳ ಹೆಚ್ಚಿದ ಸೈಬರ್ ಸಾಮರ್ಥ್ಯಗಳನ್ನು ಗಮನಿಸಿದರೆ ಈ ಮಾರ್ಗಸೂಚಿಗಳು ವಿಶೇಷವಾಗಿ ಮಹತ್ವದ್ದಾಗಿವೆ.

ಚುನಾವಣಾ ಹಸ್ತಕ್ಷೇಪವನ್ನು ಎದುರಿಸಲು OpenAI ತನ್ನ ಪಾತ್ರವನ್ನು ಮುಂದುವರಿಸುತ್ತದೆ. ಚುನಾವಣಾ ಹಸ್ತಕ್ಷೇಪ, ಮತದಾರರನ್ನು ದೂರವಿಡುವುದು, ಅಥವಾ AI-ರಚಿತ ವಿಷಯದ ಮೂಲದ ಬಗ್ಗೆ ಮೋಸ ಮಾಡಲು ಬಳಕೆದಾರರು ನಮ್ಮ ಸಾಧನಗಳನ್ನು ಬಳಸುವುದನ್ನು ನಿಷೇಧಿಸುವ ಬಳಕೆ ನೀತಿಗಳನ್ನು⁠ ನಾವು ಜಾರಿಗೊಳಿಸುತ್ತೇವೆ. 

2024ರಿಂದ ನಮ್ಮ ಪತ್ತೆ ಮತ್ತು ಜಾರಿ ವ್ಯವಸ್ಥೆಗಳು ಸುಧಾರಿಸುತ್ತಲೇ ಇವೆ. ಗೌಪ್ಯತಾ ರಕ್ಷಣೋಪಾಯಗಳು ಮತ್ತು ಸ್ಪಷ್ಟ ಪರಿಶೀಲನಾ ಪ್ರಕ್ರಿಯೆಗಳೊಂದಿಗೆ ನಾವು ನೀತಿಗಳನ್ನು ಮೇಲ್ವಿಚಾರಣೆ ಮಾಡಿ ಜಾರಿಗೊಳಿಸುತ್ತೇವೆ⁠. ಯಾರಾದರೂ ಚುನಾವಣಾ ಪ್ರಕ್ರಿಯೆಗೆ ಅಡ್ಡಿಪಡಿಸಲು, ಭಾಗವಹಿಸುವಿಕೆಯನ್ನು ನಿರುತ್ಸಾಹಗೊಳಿಸಲು, ಅಥವಾ ಸಂಯೋಜಿತ ಮೋಸಕಾರಿ ಚಟುವಟಿಕೆಯ ಭಾಗವಾಗಿ ಸೇರಿದಂತೆ AI-ರಚಿತ ವಿಷಯದ ಮೂಲದ ಬಗ್ಗೆ ಜನರನ್ನು ತಪ್ಪು ದಾರಿಗೆಳೆಯಲು ನಮ್ಮ ಸಾಧನಗಳನ್ನು ಬಳಸಲು ಯತ್ನಿಸಿದಾಗ ನಾವು ಕ್ರಮ ಕೈಗೊಳ್ಳುತ್ತೇವೆ. ದುರುಪಯೋಗವನ್ನು ಗುರುತಿಸಿದಾಗ, ನಮ್ಮ ಸೇವೆಗಳಿಗೆ ಪ್ರವೇಶವನ್ನು ನಿರ್ಬಂಧಿಸುವುದು ಅಥವಾ ರದ್ದುಪಡಿಸುವುದು ಸೇರಿದಂತೆ ಜಾರಿ ಕ್ರಮ ಕೈಗೊಳ್ಳುತ್ತೇವೆ.

ನಮ್ಮ Intelligence and Investigations, Safety, Security, and Integrity ತಂಡಗಳು ದುರುಪಯೋಗ ಮಾದರಿಗಳನ್ನು ಪತ್ತೆಹಚ್ಚಿ, ರಹಸ್ಯ ಪ್ರಭಾವ ಕಾರ್ಯಾಚರಣೆಗಳು ಸೇರಿದಂತೆ ಮೋಸಕಾರಿ ಅಥವಾ ಚುನಾವಣಾ ಸಂಬಂಧಿತ ದುರುಪಯೋಗಕ್ಕೆ ನಮ್ಮ ಸಾಧನಗಳನ್ನು ಬಳಸುವ ಪ್ರಯತ್ನಗಳನ್ನು ತನಿಖೆ ಮಾಡುತ್ತವೆ. ಫೆಬ್ರವರಿ 2024ರಿಂದ⁠, ನಾವು ನಮ್ಮ ಕಂಡುಹಿಡಿಕೆಗಳ ವರದಿಗಳನ್ನು⁠ ನಿಯಮಿತವಾಗಿ⁠ ಪ್ರಕಟಿಸಿದ್ದೇವೆ⁠ ಮತ್ತು⁠ ಇದನ್ನು⁠ ಮುಂದುವರಿಸುತ್ತೇವೆ⁠. 

ಸಾರ್ವಜನಿಕರು, ನೀತಿನಿರ್ಮಾತೃಗಳು, ಪ್ರಚಾರಗಳು ಮತ್ತು ಕಂಪನಿಗಳು ರಾಜಕೀಯದಲ್ಲಿ AI ಬಳಕೆಯ ಮಾನದಂಡಗಳನ್ನು ರೂಪಿಸುತ್ತಿರುವಾಗ, ಅಭ್ಯರ್ಥಿ, ರಾಜಕೀಯ ಪಕ್ಷ ಅಥವಾ ಮತಪತ್ರ ಕ್ರಮದ ಪರವಾಗಿ ಅಥವಾ ವಿರುದ್ಧವಾಗಿ ವ್ಯಾಪಕ ಪ್ರಚಾರ ಸಂದೇಶಗಳನ್ನು ರಚಿಸಲು ಅಥವಾ ಹಂಚಲು ನಮ್ಮ ಉತ್ಪನ್ನಗಳ ಬಳಕೆಯನ್ನು ನಾವು ನಿಷೇಧಿಸುತ್ತಲೇ ಇರುತ್ತೇವೆ. ಆಂತರಿಕ ಬ್ರಿಫಿಂಗ್‌ಗಳ ಕರಡು, ಯೋಜನೆ, ದೈನಂದಿನ ಬರವಣಿಗೆ, ಅನುವಾದ, ಅನುಸರಣೆ ಮತ್ತು ಆಡಳಿತ ಕಾರ್ಯಗಳಂತಹ ಹೊಣೆಗಾರ, ಮಾನವ-ನಿರ್ದೇಶಿತ ಕೆಲಸಗಳಿಗೆ ರಾಜಕೀಯ ಪ್ರಚಾರಗಳು ನಮ್ಮ ಸಾಧನಗಳನ್ನು ಬಳಸಲು ಸಾಧ್ಯವಾಗಬೇಕು ಎಂದು ನಾವು ಭಾವಿಸುತ್ತೇವೆ. ಈ ಬಳಕೆ ಸಂದರ್ಭಗಳಿಗೆ ನಮ್ಮ ಬಳಕೆ ನೀತಿಗಳಡಿ ಅನುಮತಿ ಇದೆ.

ಭಾಷೆಗಳು, ಶಿಕ್ಷಣ ಮಟ್ಟಗಳು ಮತ್ತು ಹಿನ್ನೆಲೆಗಳಾದ್ಯಂತ ಪ್ರವೇಶವನ್ನು ವಿಸ್ತರಿಸುವ ಮೂಲಕ ನಾಗರಿಕ ಸಮುದಾಯಗಳನ್ನು ವಿಸ್ತರಿಸಿ ಆಳಗೊಳಿಸುವ ಹೊಸ ರೀತಿಯಲ್ಲಿ ಇತರರೊಂದಿಗೆ ತೊಡಗಿಸಿಕೊಳ್ಳಲು AI ಸಾಧನಗಳು ಜನರಿಗೆ ನಿಜವಾದ ಅವಕಾಶಗಳನ್ನು ನೀಡುತ್ತವೆ. ರಾಜಕೀಯ ವಿಷಯಗಳ ಬಗ್ಗೆ ಕಲಿಯಲು, ಅನ್ವೇಷಿಸಲು ಮತ್ತು ಚರ್ಚಿಸಲು ಜನರು AI ವ್ಯವಸ್ಥೆಗಳನ್ನು ಬಳಸಲು ಸಾಧ್ಯವಾಗುವುದು ಮುಖ್ಯ ಎಂದು ನಾವು ನಂಬುತ್ತೇವೆ; ದುರುದ್ದೇಶಿಗಳ ದುರುಪಯೋಗವನ್ನು ತಪ್ಪಿಸುತ್ತಲೇ ಅದನ್ನು ನಾವು ಮುಂದುವರಿಸುತ್ತೇವೆ. 

ವ್ಯಾಪಕ ಪ್ರಚಾರ ವಕಾಲತ್ತಿಗೆ ನಮ್ಮ ಸೇವೆಗಳನ್ನು ಬಳಸುವ ವಿರುದ್ಧದ ನಮ್ಮ ನಿಯಮಗಳಿಗೆ ಅನುಗುಣವಾಗಿ, ಈ ಚಕ್ರದಲ್ಲಿ ನಮ್ಮ ವೇದಿಕೆಯಲ್ಲಿ ರಾಜಕೀಯ ಜಾಹೀರಾತುಗಳನ್ನು ನಡೆಸಲು ಜಾಹೀರಾತುದಾರರಿಗೆ ಅವಕಾಶ ನೀಡುವುದಿಲ್ಲ. ChatGPT ನಲ್ಲಿ ಜಾಹೀರಾತಿನತ್ತ ನಾವು ಹೇಗೆ ಮುನ್ನಡೆಯುತ್ತಿದ್ದೇವೆ⁠ ಎಂಬುದರ ಬಗ್ಗೆ ನೀವು ಇನ್ನಷ್ಟು ಓದಬಹುದು.

ಜನರು ChatGPTಗೆ ಚುನಾವಣಾ ವ್ಯವಸ್ಥೆಗಳಿಗಿಂತ ಹೆಚ್ಚಿನ ವಿಷಯಗಳಿಗಾಗಿ ಬರುತ್ತಾರೆ ಎಂಬುದು ನಮಗೆ ತಿಳಿದಿದೆ. ಅವರು ChatGPT ಅನ್ನು ಆಲೋಚನೆಗಳನ್ನು ಅನ್ವೇಷಿಸಲು, ವಾದಗಳನ್ನು ಪರೀಕ್ಷಿಸಲು ಮತ್ತು ತಮಗೆ ಮುಖ್ಯವಾದ ವಿಷಯಗಳ ಕುರಿತು ಹೆಚ್ಚಿನ ಅರಿವು ಪಡೆಯಲು ಬಳಸುತ್ತಾರೆ. ಆದ್ದರಿಂದ ChatGPT ಪ್ರಶ್ನೆಗಳಿಗೆ ಪ್ರತಿಕ್ರಿಯಿಸುವ ರೀತಿಯಲ್ಲಿ ರಾಜಕೀಯ ಪಕ್ಷಪಾತವನ್ನು ಎದುರಿಸಲು ನಾವು ಬದ್ಧರಾಗಿದ್ದೇವೆ. 

ನಮ್ಮ ಮಾಡೆಲ್ ಸ್ಪೆಕ್ ತತ್ವ ಸತ್ಯವನ್ನು ಒಟ್ಟಾಗಿ ಹುಡುಕುವುದು⁠(ಹೊಸ ಕಿಟಕಿಯಲ್ಲಿ ತೆರೆಯುತ್ತದೆ) ಬಳಕೆದಾರರೇ ನಿಯಂತ್ರಣದಲ್ಲಿ ಇರುವಂತೆ, ರಾಜಕೀಯ ಸಂಭಾಷಣೆಗಳಲ್ಲಿ ಕೂಡ, ChatGPT ಅನ್ನು ಪೂರ್ವನಿಯೋಜಿತವಾಗಿ ವಸ್ತುನಿಷ್ಠವಾಗಿಡುವ ನಮ್ಮ ಬದ್ಧತೆಯನ್ನು ವಿವರಿಸುತ್ತದೆ. ChatGPT ಜನರು ದೊಡ್ಡ ಆಲೋಚನೆಗಳೊಂದಿಗೆ ತೊಡಗಿ, ವಿಷಯಗಳ ಬಗ್ಗೆ ತಮ್ಮದೇ ದೃಷ್ಟಿಕೋನ ಬೆಳೆಸಿಕೊಳ್ಳುವ ಸಾಧನವಾಗಿದೆ. ಆದ್ದರಿಂದ ಬಳಕೆದಾರರನ್ನು ಪ್ರಭಾವಿತಗೊಳಿಸುವ, ಅಥವಾ ಅವರನ್ನು ನಿರ್ದಿಷ್ಟ ದಿಕ್ಕಿಗೆ ಒಯ್ಯಲು ಸಂಬಂಧಿತ ಸಂಗತಿಗಳು ಅಥವಾ ದೃಷ್ಟಿಕೋನಗಳನ್ನು ಮರೆಮಾಡುವ ವರ್ತನೆಯನ್ನು ತಪ್ಪಿಸುವಂತೆ ಮಾಡೆಲ್ ವಿನ್ಯಾಸಗೊಂಡಿದೆ. ಕಳೆದ ಶರತ್ಕಾಲದಲ್ಲಿ, ನಮ್ಮ ಮಾಡೆಲ್‌ಗಳ ವಸ್ತುನಿಷ್ಠವಾಗಿರುವ ಸಾಮರ್ಥ್ಯವನ್ನು ಪರೀಕ್ಷಿಸಲು ಬಳಸುವ ಹೊಸ ರಾಜಕೀಯ ಪಕ್ಷಪಾತ ಮೌಲ್ಯಮಾಪನವನ್ನು ನಾವು ಘೋಷಿಸಿದ್ದೇವೆ⁠.  ಈ ಪ್ರಮುಖ ಕೆಲಸವು ರಾಜಕೀಯ ವಿಷಯಗಳಿಗೆ ಮಾಡೆಲ್‌ಗಳು ಹೇಗೆ ಪ್ರತಿಕ್ರಿಯಿಸುತ್ತವೆ ಎಂಬುದನ್ನು ಪರೀಕ್ಷಿಸುವ ರಾಜಕೀಯ ಪಕ್ಷಪಾತ ಮೌಲ್ಯಮಾಪನಗಳಲ್ಲಿ OpenAI ಯನ್ನು ಮುಂಚೂಣಿಗೊಳಿಸಿದೆ.

ನಾವು ಪಾಲುದಾರರಿಂದ ಕಲಿಯುತ್ತಲೇ, ನಮ್ಮ ರಕ್ಷಣೋಪಾಯಗಳನ್ನು ನವೀಕರಿಸುತ್ತಲೇ, ಹೊಂದಿಕೊಳ್ಳುತ್ತಲಿರುತ್ತೇವೆ. ವಿಶ್ವಾಸಾರ್ಹ ಮಾಹಿತಿ, ಪಾರದರ್ಶಕತೆ ಮತ್ತು ಪರಿಣಾಮಕಾರಿ ರಕ್ಷಣೋಪಾಯಗಳೊಂದಿಗೆ ಜನರು ಚುನಾವಣೆಗಳಲ್ಲಿ ಮುಕ್ತವಾಗಿ ಪಾಲ್ಗೊಂಡು ತಮ್ಮದೇ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಸಾಮರ್ಥ್ಯವನ್ನು ಬೆಂಬಲಿಸುವುದು ನಮ್ಮ ಗುರಿ. ಈ ವರ್ಷ ಮತ್ತು ಮುಂದೆಯೂ ಬಳಕೆದಾರರು, ನಾಗರಿಕ ಸಮಾಜ ಮತ್ತು ಮತದಾರರು ಚುನಾವಣೆಗಳಲ್ಲಿ ಪಾಲ್ಗೊಳ್ಳುವಾಗ ಅವರನ್ನು ಬೆಂಬಲಿಸುವ ಮಾರ್ಗಗಳನ್ನು ಇನ್ನಷ್ಟು ಆಳಗೊಳಿಸಲು ನಾವು ಎದುರುನೋಡುತ್ತಿದ್ದೇವೆ.