Создавање слики со ChatGPT

ChatGPT може да генерира оригинални слики од промптови напишани на едноставен јазик. Можете брзо да ги доработувате — да побарате варијанти, да ги приспособите композицијата или големината или да истражите нови визуелни пристапи — и за неколку минути да добиете материјали подготвени за употреба.

Така полесно ќе истражувате концепти, визуелно ќе пренесувате идеи и ќе ги приспособувате постојните материјали за различни публики, формати или канали.

Добриот промпт за слика не мора да биде долг. Во повеќето случаи, доволни се 1–3 јасни реченици. Целта е да му помогнете на ChatGPT да разбере што треба да прикажува сликата, каков впечаток треба да остави и што треба да постигне.

Во практика, тоа значи во промптот да наведете неколку клучни детали: намената на сликата, главниот мотив, што се случува, каде се одвива дејството и посакуваниот визуелен стил. Ако кадрирањето, осветлувањето или одредени ограничувања се важни, наведете ги и нив.

Јасноста е поефективна од досетливите формулации — особено за детали како распоредот, текстурата, материјалите или светлината. На пример, „мека природна светлина од прозорец од левата страна“ обично ќе даде посигурен резултат од нешто неодредено како „убаво осветлување“.

Ограничувањата се особено корисни кога нешто треба да остане непроменето. Ако не сакате дополнителен текст, логоа или визуелни промени, кажете го тоа директно. Кога уредувате постојна слика, јасно наведете што треба да се промени, а што да остане исто. Промпт како „Промени само X. Сè друго остави го сосема исто“ често е најјасниот начин да побарате прецизна измена.

Најдобриот начин да се подобри сликата обично е преку мали, насочени измени. Најпрво погрижете се сликата правилно да ја пренесе основната идеја, а потоа приспособувајте еден по еден елемент. Директните, конкретни насоки полесно се следат од општите реакции, а повторувањето на најважните детали може да помогне сликата да не се оддалечи од замислата додека ја доработувате.

Примери за корисни, конкретни насоки за измени:

• „Направи ја посветла“, „ублажи ги боите“, „поедностави ја заднината“

• „Задржи ја истата композиција, но направи го стилот посовремен / понежен / поразигран“

Постепените измени помагаат да се зачува доследноста додека ја доработувате сликата. Можете и да уредувате одредени делови и да давате насоки конкретно за нив.

Можете да прикачите повеќе слики за да го насочите генерирањето или уредувањето, но обично е полесно да се работи со помал отколку со поголем број слики. Наведете ја секоја слика според редоследот и објаснете како се поврзани меѓусебно.

На пример: „Image 1 is a photo of my desk setup. Image 2 is a style reference. Apply image 2’s clean, minimal illustration style to image 1, while keeping the same layout and objects.“

Кога комбинирате елементи, опишете ја нивната меѓусебна положба со јасни просторни одредници — како лево, десно, преден план и заднина.

Текстот дава најдобри резултати кога насоките се многу конкретни:

• Ставете го текстот во наводници или напишете го СО ГОЛЕМИ БУКВИ

• Наведете ги стилот на фонтот, големината, бојата и положбата

• Текстот нека биде краток

• Имињата на брендови и невообичаените зборови напишете ги буква по буква (на пр., „S-T-R-I-P-E“)

На пример: „Add the headline “WEEKLY PLAN” in bold sans-serif, white, centered at the top, 72pt. No other text.“

Инфографиците се корисни за објаснувања, постери, дијаграми со ознаки, временски линии и материјали за „визуелно вики“. За распореди со многу елементи или слики со многу текст, нагласете дека сакате „остро и јасно прикажан текст“ и, по потреба, размислете за доработка во алатки за дизајн.

• Внимавајте кога користите нечиј лик: Ако генерирате слики на вистински луѓе (себеси или други), користете референтна фотографија за точност и погрижете се да имате дозвола за користење на нивниот лик.

• Изберете општо решение наместо имитација: Ако се двоумите, побарајте „генерички“ верзии на дизајнот или верзии „што може да бидат ваши“, наместо да имитирате конкретен бренд, производ или уметничко дело.

• Наведувањето заслуги е по избор: Не сте обврзани да го наведете OpenAI кога користите генерирани слики, но можете да го сторите тоа ако помага да се разјасни како е создаден материјалот.

• Почитување на правилата: Секоја употреба на слики треба да биде во согласност со насоките на вашата организација и правилата за користење на OpenAI⁠.