Programet e OpenAI për promovuesit
Për njerëzit që nxisin përdorimin e IA-së në mbarë organizatën e tyre.
Përfshirja me sukses e IA-së në punë kërkon më shumë sesa qasje në mjete. Ajo kërkon që njerëzit në mbarë organizatën të bashkëpunojnë për t’i kthyer aftësitë e reja të IA-së në vlerë afatgjatë për biznesin. Këta njerëz janë promovuesit e OpenAI.
Programet e OpenAI për promovuesit zhvillojnë aftësitë e stafit që u duhen organizatave për të udhëhequr zbatimin e IA-së, për të mundësuar përdorimin e saj dhe për ta integruar në të gjithë biznesin.
Rrugëtimi i promovuesit
Pavarësisht nëse hartoni strategji për IA-në, nxitni ndryshimin apo krijoni procese pune me IA për ekipin tuaj, ju lidhim me njerëzit dhe njohuritë që ju duhen për të nxitur me besim përdorimin e saj.
Mësoni bazat
Kuptoni më mirë se çfarë nevojitet për të mbështetur përfshirjen e IA-së në punë dhe çfarë roli mund të luani.
Zbatojini njohuritë në punën tuaj
Përdorni udhëzues, shembuj dhe burime të ripërdorshme për të mbështetur proceset dhe punën e përditshme të ekipit tuaj.
Lidhuni me kolegë
Mësoni nga promovues të tjerë që po trajtojnë çështje dhe sfida të ngjashme.
Zgjeroni atë që funksionon
Përhapni në ekipe të tjera qasjet e provuara, siguroni mbështetje për ato që funksionojnë dhe ndihmoni që përdorimi të zgjerohet me kalimin e kohës.
Eksploroni Programet e OpenAI për promovuesit
Programet për promovuesit ndërthurin mësimin dhe angazhimin në Komunitetin e promovuesve në OpenAI Academy, me një hapësirë të posaçme për bashkëpunim më të thelluar në Rrjetin e promovuesve të OpenAI Enterprise.
Komuniteti i promovuesve në OpenAI Academy
Udhëzimet, shembujt dhe njohuritë më të fundit nga OpenAI, si dhe mundësi për t’u angazhuar në një komunitet të gjerë promovuesish.
Eksploroni përmbajtje mësimore, ndiqni seminare në internet, shfrytëzoni burime të ripërdorshme dhe merrni pjesë në sfida mujore për të zbuluar çfarë funksionon, për t’u frymëzuar dhe për të sjellë ide të dobishme në organizatën tuaj.
Lidhje të dobishme:
Rrugëtimet e promovuesve(hapet në një dritare të re): Lexoni më shumë për rolet e promovuesve dhe rrugëtimet e të mësuarit.
Aktivitetet e ardhshme të Komunitetit të promovuesve(hapet në një dritare të re): Konfirmoni pjesëmarrjen për të mësuar më shumë nga promovues të tjerë. Shtojmë vazhdimisht aktivitete të reja, ndaj vizitojeni këtë faqe rregullisht.
Rrjeti i promovuesve të OpenAI Enterprise
I hapur për klientët me planin OpenAI Enterprise.
Një hapësirë e posaçme për bashkëpunim më të ngushtë me promovues të tjerë dhe me OpenAI.
Merrni pjesë në takime diskutimi me grupe më të vogla, të përshtatura sipas rolit, industrisë, madhësisë së kompanisë dhe fazës së përfshirjes së IA-së. Mësoni nga shembuj konkretë të promovuesve se si klientë të tjerë të ndërmarrjeve po zgjerojnë përdorimin e IA-së. Merrni pjesë në diskutime për produktet dhe jepni mendimet tuaja për të ndihmuar në formësimin e së ardhmes së OpenAI.
Dëshironi të bëheni pjesë e Rrjetit tonë të promovuesve të Enterprise?